Home / Lajme / ​Sulmohet patrulla e Policisë Kufitare në Leposaviç

​Sulmohet patrulla e Policisë Kufitare në Leposaviç

Policia Kufitare e Kosovës është sulmuar sonte në Leposaviç nga persona të dyshuar, që besohet të jenë kontrabandues.

Nga një automjet-kombi me targa KG-112-RD, e markës “IVECO” ngjyrë e kuqe, është shtënë në patrullën e Policisë Kufitare.

Siç bëjnë të ditur burime të KosovaPress-it, pronar i automjetit është V. S. (1955) nga Zubin Potoku.

Patrulla kufitare ka hapur po ashtu zjarr, duke i dëmtuar gomat e automjetit dhe bëhet e ditur se nuk ka të lënduar. Dyshohet se me armë ka shtënë Z. M. nga fshati Vuçe.

Automjeti ka ikur në drejtim të Novi Pazarit, kurse Policia është duke ndërmarrë aksionin e quajtur “unaza e çeliktë”, duke rrethuar disa zona të asaj pjese dhe është në kërkim të të dyshuarve.

Burimi: ​Sulmohet patrulla e Policisë Kufitare në Leposaviç
Nëse shtypni reklamat në lajmet që lexoni këtu, ju mundësoni të funksionojmë si portal i pavarur. Ju falemnderit nga © AlbPortali

Leave a Reply

Your email address will not be published. Required fields are marked *

*

WP2FB Auto Publish Powered By : XYZScripts.com